Thursday, April 22, 2010

... عنّى أنا





و بفرح حقيقى. لكن فرح كارف
من حاجة مرّة .....أو حد خايف
و يسلم لقلبى اللى حاسس و عارف
يحرك فى عمرى نسايم رضية
تجيبلى المحبة تضلّل عليا
تهوّن شوية الحاجات والحكاوى
و تعزف فى دمى شوية غناوى
تنسّى الليالى سهرها عشانى
و دمع القمر و صاحب اناني
تجيب لى طيابة و أصل و حنان
فى صحبة تجنّن. تحلّى الزمان
تعلّمنى ان الحياة ضحكتين
و دمعة ما بينهم فى وسط السنين
و كلّو هيمشى . الفَرَح و الانين
و يبقى عشمنا فى ربّ العالمين

6 comments:

Doaa said...

ندهني الحنين يا صاحبتي ...

Kamolly said...

أيوة بقى!!!

labbiak said...

الله الله ايه الحاجات الجميله دي

gehad,93 said...

صحيح يا صاحبتى

gehad,93 said...

kamolly ... أخيرا حاجة عجبتك .... الحمد لله

gehad,93 said...

labbiak .... مبسوطة انها عجبتك