Wednesday, March 2, 2011

حرية




قالولى عشقك وردة وسط الصخر
و غنوة عالطريق سارحة
و نسمة بالحنين ترسم
بدال الفرحة ميت فرحة

و قلب يطير على مكانه
و فاتح للنسايم باب
مسلم عمره بأمانه
يساع الوفات من الاحباب


و عود للفجر نادى و قال
هيخلص عمرى ولا شوفتك
 قال الفجر وترك نسى الموال
ضيعت حقك بخوفك مش بمعرفتك


وردة و قلب و عود وعدوكى يحموكى
بسيف و فاس وقلم هيحفظوا عهدك
عالحق يتسندوا لجل ما يلقوكى
نور الطريق الجاى و ينشروا عدلك

1 comment:

Doaa Wagdy said...

ضيعنا حقنا بالخوف و الجهل ...

حلوه جداً يا صاحبتي ... ماتبطليش تكتبي :)