Monday, May 10, 2010

.... حاجات مُفرِحات





لو جيت أعدّ المُفرحات وسط السنين ... ألاقى كتير
ألاقى حضن أمّى اللى لمّ السُكات ... و هدّى الأنين
ألاقى صُحبة حلوة تقضّى ساعات ... تضّحك حزين
و صاحبة تسمع منّى وجع ذكريات... تخبّي دمعتين
تصبّر عالليالى و لمّا تطول ... تجيب بسمتين

و طفلة بتضحك بقوة و تمرد ... و لمعة عنين
بتتحدى كون من عظام  المبهمات... بنظرتين
و تضحك عليا و تضحك معايا ... و تكبر سنين
و تكتب فى كلمة حاجة تضحك  ...او تبكى العين

و تسمع نغم يخطفها من كل الحاجات ... و توصل لفين
لحلم ف خيالها بناس مرتاحين .. مبسوطين .. عايشين

و تكبر كمان و تشوف كيان فى مكان...و تنتمى مرتين
و يكبر فتفرح ويجرح فتزعل  وتمشى ... بس ميين
يروح قلبها عالمكان فى الزمان.. لاشخاصه ابطال القصتين

وارجع ادوّر ... ف ألاقى اكتر. فى وسط السنين
  الاقى ليا اخ فارس رقيق..بشوفه صديق. وهادى وامين

و كل اما ادوّر ... فى حاجة تحيّر بشوف رحمة من ربى فى كل حين
و افهم ساعات و احتار ساعات و بختار حاجات تغيّر كتيير
و كل اما اعدّ المفرحات فى السنين ... ألاقى كتييييييير

6 comments:

Doaa said...

عارفاهم كلهم ... :)

Ibrahim Emad said...

I can NOT be more proud :)
thnx for everything :)

Anonymous said...

واااااااااااااو ..
حلو الرضا ده

gehad,93 said...

Doaa ... tb3an 3arfahom ;-)

gehad,93 said...

Ibrahim enta even more important

gehad,93 said...

Anonymous
الرضا سر السلام النفسى